દોડતાં મોત સમાન BRTS : ડ્રાઈવરને ચાર રસ્તા વટાવવા માત્ર 10 સેકન્ડ, બીજા સ્ટોપે પહોંચવા 2 મિનિટ, રોજ 100 કિમી બસ ચલાવવાની પણ બ્રેક 5 મિનિટનો જ

બીઆરટીએસના સંચાલનમાં ખાનગી કોન્ટ્રાક્ટરનો મોટો ફાળો છે. વધારામાં બસ ડ્રાઈવરે નક્કી કરેલી સમયમર્યાદામાં એક સ્થળેથી બીજા સ્થળે પહોંચાવાનું હોય છે. ઉદાહરણ તરીકે જોઈએ તો આરટીઓથી મણિનગર જતી બીઆરટીએસ બસે મહત્તમ 67 મિનિટમાં પહોંચવું પડે છે. પણ સૌથી અગત્યની વાત એ છે કે, ડ્રા‌ઈવરને દરેક ચારરસ્તા વટાવવા માત્ર 10 સેકન્ડ મળે છે. જ્યારે તેણે એક સ્ટોપથી બીજા સ્ટોપ પર 2 મિનિટમાં પહોંચવાનું હોય છે. આ ઉપરાંત પ્રત્યેક ડ્રાઈવરે રોજના 100 કિલોમીટર બસ ચલાવવી પડે છે. ડ્રાઈવરને એક ટ્રીપ વચ્ચે 5 મિનિટનો બ્રેક મળતો હોય છે. આ બાબત સ્ટ્રેસમાં વધારો કરે છે. જો ડ્રાઈવર નિશ્ચિત સમયમર્યાદામાં ન પહોંચે તો કોન્ટ્રાક્ટરને દંડ થતો હોય છે. આખરે સમયમર્યાદામાં પહોંચી વળવા ડ્રાઈવર બસ બેફામ હંકારે છે બીઆરટીએસ બસને દોડતાં મોત સમાન બનાવી દે છે.

200

કિમી જેટલું અંતર દરેક બસે કાપવાનું હોય છે

100

કિમી પ્રત્યેક ડ્રાઈવરે રોજ બસ ચલાવવાની

30

સ્ટેશન RTOથી મણિનગર વચ્ચે

30

ચારરસ્તા RTOથી મણિનગર વચ્ચે

ટ્રીપ રદ ગણાતી અટકાવવા અને નિયત સમયમર્યાદામાં પહોંચવા BRTS ડ્રાઈવરો બસ બેફામ હંકારતા હોય છે

એકથી બીજા સ્ટોપ પર પહોંચવા 2 મિનિટની સમયમર્યાદા સ્ટ્રેસ વધારે છે

બીઆરટીએસ કોરિડોરમાં બસ હંકારતા ડ્રાઇ‌વરને એક સ્ટોપથી બીજા સ્ટોપ વચ્ચે માત્ર બે મિનિટમાં પહોંચવાનું હોય છે. તેમાં એક તરફથી મુસાફર બેસાડવાથી લઇને બીજા સ્ટોપ પર મુસાફર ઉતારવા સુધીનો સમય આવી જાય છે.

ડ્રાઈવરને ચાર રસ્તા ક્રોસ કરવા માટે 5થી 10 સેકન્ડનો સમય મળે છે

દરેક બીઆરટીએસ ડ્રાઈવરને ચાર રસ્તા ક્રોસ કરવા ગ્રીન લાઇટ થાય અને તે રેડ થાય તેની 5થી 10 સેકન્ડમાં જ વાહન એક તરફથી બીજી તરફ લઇ જવાનું હોય છે. ત્યારે બીઆરટીએસ બસ ડ્રાઇવરને પોતાનું વાહન ખુબજ ઝડપથી પસાર કરવું પડે છે.

બસ 15 મિનિટથી વધુ મોડી પડે તો ટ્રીપ રદ થાય અને પેનલ્ટી પણ લાગે છે

દરેક ડ્રાઇવરને એક બસની 3 થી 4 ટ્રીપ કરવાની હોય છે, એક બસ રૂટ પરથી તેના છેલ્લા સ્ટેન્ડ પર પહોંચતાં જ તે બસ બીજો ડ્રાઇવર હંકારે છે. જ્યારે તે બસનો ડ્રાઇવર થોડો સમય માટે વિરામ કર્યા બાદ બીજી બસ ચલાવે છે. દિવસમાં 4 ટ્રીપ એટલે અંદાજે 100 કિ.મી. બસ તેણે ચલાવવાની હોય છે. ઼ડ્રાઈવર નિયત સમયમાં ન પહોંચે અને બસ જો 15 મિનિટ કે તેથી વધુ મોડી પડે તો બસની એક ટ્રીપ રદ ગણાય છે.

કોરિડોરમાં ST, AMTSથી રૂકાવટ

બીઆરટીએસ કોરીડોરમાં હવે એસટી, એએમટીએસ, એમ્બ્યુલન્સ અને અન્ય કેટલાક વાહનોને ચલાવવાની પરવાનગી આપવામાં આવી છે. ત્યારે બીઆરટીએસ બસ માટે આ તમામ વાહનો પણ અંતરાય રૂપ બનતા સમયસર પહોંચવા ડ્રાઈવર બસ ભગાવે છે.

Download Dainik Bhaskar App to read Latest Hindi News Today

Ahmedabad News - running death equals brts only 10 seconds for the driver to cross four lanes 2 minutes to reach the second stop 100 km per day but also a break of 5 minutes 055130

from Divya Bhaskar https://ift.tt/2DtWnfU