10 ડિગ્રી સાથે શનિવાર સિઝનનો સૌથી ઠંડો દિવસ, હજુ ઠંડી વધશે

ઉત્તર ભારતમાં થયેલી હિમવર્ષાથી શરૂ થયેલી કોલ્ડવેવથી અમદાવાદમાં ઠંડીનું મોજુ ફરી વળ્યું છે. જેને પગલે શનિવારે અમદાવાદમાં સિઝનનું સૌથી નીચું 10.2 ડિગ્રી લઘુત્તમ તાપમાન નોંધાયુ હતું. બે દિવસ કોલ્ડવેવનું જોર યથાવત રહેવાની શક્યતા હોવાથી ઠંડીનો પારો અમદાવાદમાં ઠંડીનો પારો 9થી 10 ડિગ્રીની આસપાસ રહેવાની શકયતા હોવાથી હાડ થીજવતી ઠંડી પડવાની વકી હવામાન વિશેષજ્ઞે કરી છે.

હવામાન વિભાગના આંકડા મુજબ, શનિવારે અમદાવાદમાં વહેલી સવારથી 5થી 10 કિલોમીટરની ગતિના ઠંડા પવનો શરૂ થયા હતા. જેને પગલે અમદાવાદનું મહત્તમ તાપમાન સામાન્ય કરતાં 3.2 ડિગ્રી ગગડીને 24.8 ડિગ્રી અને લઘુતમ તાપમાન 2.1 ડિગ્રી ગગડીને 10.2 ડિગ્રી નોંધાયુ હતું. તેમજ દિવસ દરમિયાન ચાલુ રહેલાં ઠંડા બર્ફીલા પવનોથી લોકોએ હાડ થીજવતી ઠંડીનો અનુભવ કર્યો હતો. એટલું જ નહિ, ડિસેમ્બર મહિનામાં સતત ચોથી વાર ઠંડીનો પારો ગગડતાં 10.2 ડિગ્રી સાથે શનિવાર સિઝનનો સૌથી ઠંડો દિવસ સાબિત થયો હતો.

સવારે 5.30થી 7 દરમિયાન 2.2 ડિગ્રી પારો ગગડ્યો

12.4

10.2

5.30

7.00

અમદાવાદમાં વહેલી સવારે 5.30 કલાકે ઠંડીનો પારો 12.4 ડિગ્રી નોંધાયો હતો, પરંતુ, ઠંડા પવનોથી સવારે 6.30થી 7.0 વાગ્યા દરમિયાન ઠંડીનો પારો 2.2 ડિગ્રી ગગડીને 10.2 ડિગ્રી નોંધાયો હતો. ત્યારબાદ 8.30થી 11.30 કલાક દરમિયાન ઠંડીનો પારો 9.0 ડિગ્રીએ પહોંચ્યો હતો છતાં ઠંડા પવનોથી લોકો દિવસભર ઠૂંઠવાયા હતા.

21.8

12.8

11.30

8.30

22.6

24.4

2.30

17.2

5.30

8.30

5થી 10 કિલોમીટરની ઝડપે પવન ફૂંકાયો

અમદાવાદમાં વહેલી સવારથી ઠંડા પવનો શરૂ થયાં હતા. જો કે, પવનની ઝડપ 5થી 10 કિ.મી.ની વચ્ચે હોવા છતાં ઠંડા બર્ફિલા પવનોથી પવનની તીવ્રતા વધુ લાગતી હતી. વહેલી સવારે 8થી 11 દરમિયાન પવનની ઝડપ વધુ રહી હતી, જેથી પવન ગતિ વધુ ન હોવા છતાં લોકો ઠંડીથી ઠુંઠવાયા હતા. દિવસ દરમિયાન લોકોએ ગરમ કપડા પહેરવાની ફરજ પડી હતી. જો કે, બપોર પછી પવનોની ઝડપ ઘટતાં લોકોએ રાહત મેળવી હતી.

’14નો ડિસેમ્બર સૌથી ઠંડો

છેલ્લાં 5 ડિસેમ્બર ઠંડી

27 ડિસેમ્બર 2018 8.0

24 ડિસેમ્બર 2017 10.1

24 ડિસેમ્બર 2016 10.7

20 ડિસેમ્બર 2015 8.0

15 ડિસેમ્બર 2014 7.4

4 દિવસની સ્થિતિ

રવિવાર 9 ડિગ્રીની આસપાસ

સોમવારે 9થી 10 ડિગ્રી

મંગળવાર 10 ડિગ્રી

બુધવાર 10થી 12 ડિગ્રી વચ્ચે

ગુરુવાર 12થી 14 ડિગ્રી

હવામાન વિશેષજ્ઞ અંકિત પટેલ જણાવે છે કે, કોલ્ડવેવની અસરોથી ચાર દિવસ શહેરમાં ઠંડીનું જોર યથાવત્ રહેવાની શક્યતા છે. આગામી બે દિવસ અમદાવાદમાં ઠંડીનો પારો 10 ડિગ્રીની થવાની શક્યતા છે. બુધવારથી ફરીથી અમદાવાદના મહત્તમ-લઘુતમ તાપમાનમાં વધારો થતાં ઠંડીમાં સામાન્ય ઘટાડો થશે.

Download Dainik Bhaskar App to read Latest Hindi News Today

Ahmedabad News - saturday was the coldest day of the season with 10 degrees increasing colder 055051

from Divya Bhaskar https://ift.tt/2Sx9khE