ડિજિટલ ઈન્ડિયામાં એક વર્ષમાં 71,000 કરોડના ફ્રોડ

પ્રશાંત મિશ્ર, નવી દિલ્હી: ગત પાંચ વર્ષમાં બેન્કિંગ કૌભાંડોમાં 268 ટકાનો વધારો નોંધાયો છે. નાણાવર્ષ 2014-15માં બેન્કોએ કુલ 19,455 કરોડ રૂપિયાના બેન્કિંગ કૌભાંડોની માહિતી આપી હતી જે 2018-19માં વધીને 71,543 કરોડ રૂપિયાએ પહોંચી ગયાં. રિઝર્વ બેન્કે તેના “ટ્રેન્ડ એન્ડ પ્રોગ્રેસ ઓફ બેન્કિંગ ઈન ઈન્ડિયા 2018-19’ રિપોર્ટમાં આ માહિતી આપી હતી. તે મુજબ આ સમયગાળા દરમિયાન બેન્કિંગ કૌભાંડોની સંખ્યા પણ 4639થી વધીને 6801 થઈ ગઇ હતી. વર્ષ 2018-19માં થયેલાં બેન્કિંગ કૌભાંડની કુલ સંખ્યામાં સરકારી બેન્કોની 55.4 ટકા ભાગીદારી છે. જ્યારે રકમના આધારે પીએસયુનો હિસ્સો 91.6 ટકા છે. નાણાવર્ષ 2018-19માં થયેલાં કુલ બેન્કિંગ કૌભાંડો ગત વર્ષની તુલનાએ 74% વધુ છે. 2017-18માં કુલ 41,167 કરોડ રૂપિયાનાં કૌભાંડ થયાં હતાં જે 2018-19માં વધીને 71,543 કરોડ રૂપિયાએ પહોંચી ગયાં. 2018-19માં સૌથી વધુ કૌભાંડ લોન અને ઓફ શીટ બેલેન્સ સેક્શનમાં થયાં હતાં.
2018-19માં થયેલા બેન્કિંગ ફ્રોડ, ગયા વર્ષની સરખામણીએ 74% વધ્યા
5 વર્ષ - બેન્કિંગ ફ્રોડ વર્ષ 2015-16ને બાદ કરતાં દર વર્ષે વધતાં ગયા છે. છેલ્લા પાંચ વર્ષમાં બેન્કિંગ ફ્રોડની માત્રા સંખ્યાના આધારે 47 ટકા અને રકમના આધારે 268 ટકા વધી છે. ગયા વર્ષની સરખામણીએ ફ્રોડમાં 74 ટકાનો વધારો થયો છે. માત્ર 2015-16માં 18699 કરોડના ફ્રોડ નોંધાયા હતા. 2018-19 આવતા તે અનેક ઘણા વધી ગયા.
લોન - આ સેક્શનમાં સૌથી વધુ રકમનાં કૌભાંડની માહિતી અપાઈ છે. નાણાવર્ષ 2018-19માં બેન્કોએ કુલ 64,548 કરોડ રૂપિયાના કૌભાંડોનું રિપોર્ટિંગ કર્યુ. 2014-15માં તે રકમ 17,122 કરોડ રૂપિયા હતી. એટલે કે ગત 5 વર્ષમાં આ સેક્શનમાં 268 ટકાનો વધારો નોંધાયો.
કાર્ડ/ઈન્ટરનેટ - ગત 5 વર્ષમાં કાર્ડ કે ઈન્ટરનેટ કૌભાંડોની રકમ 36 ટકાના વધારા સાથે 52 કરોડથી વધીને 71 કરોડ રૂપિયા થઇ ગઈ છે. જોકે ગત વર્ષની તુલનાએ આ સેક્શનમાં ઘટાડો નોંધાયો છે. 2017-18માં 110 કરોડ રૂપિયાના 2059 કૌભાંડ થયાં હતાં જે 2018-19માં 71 કરોડ રૂપિયાના 1866 કૌભાંડ થયાં.

Download Dainik Bhaskar App to read Latest Hindi News Today

પ્રતિકાત્મક તસવીર.

from Divya Bhaskar https://ift.tt/379mTYP