રાહુલ ગાંધીને માર્ચ-એપ્રિલમાં ફરીથી કોંગ્રેસના અધ્યક્ષ બનાવાઈ શકે

હેમંત અત્રી, નવી દિલ્હી: કોંગ્રેસ નેતૃત્વએ પૂર્વ અધ્યક્ષ રાહુલ ગાંધીને રિલોન્ચ કરવાની યોજનાને અંતિમ સ્વરૂપ આપી દીધું છે. પાર્ટીના સૂત્રોએ કહ્યું કે વચગાળાના અધ્યક્ષ સોનિયા ગાંધી સક્રિય રાજકારણથી અંતર જાળવી રહ્યાં છે. એવામાં માર્ચના અંત કે એપ્રિલ સુધીમાં ફરી રાહુલ ગાંધીને અધ્યક્ષ બનાવાઈ શકે છે. જયપુરમાં મંગળવારે કોંગ્રેસની યુવા આક્રોશ રેલી યોજાશે, તે પછી રાહુલની દેશના સૌથી મોટાં રાજ્યોમાં મોટી રેલીઓ યોજાશે. તે 30 જાન્યુઆરીએ કેરળના કલપેટ્ટામાં રેલી કરી શકે છે. તે પછી તે ઝારખંડ અને પછી અન્ય કોંગ્રેસશાસિત પ્રદેશોમાં રેલીઓ યોજાશે. પાર્ટીનો મુખ્ય ઉદ્દેશ્ય રાહુલને વડાપ્રધાન મોદીના મુખ્ય ચેલેન્જર તરીકે સ્થાપિત કરવાનો છે.
સોનિયા ગાંધીની પહેલી પસંદ રાહુલ
રેલીઓ દરમિયાન રાહુલનું મુખ્ય ફોકસ વધતી બેરોજગારી, અર્થતંત્રમાં મંદી, ખેતી સંકટ, બંધારણીય મૂલ્યોની રક્ષા, નાગરિકતા કાયદો અને સાંપ્રદાયિકતા અંગે મોદી સરકારને ઘેરવા પર રહેશે. રાહુલ બિહાર અને પ.બંગાળ જેવાં ચૂંટણીવાળાં રાજ્યોમાં પણ આવી રેલીઓ કરશે. પહેલાં દિલ્હી ચૂંટણીના અમુક દિવસ પછી જ રાહુલ ગાંધીને પાર્ટીના અધ્યક્ષ બનાવવાની યોજના હતી પણ તેમાં ફેરફાર કરાયો છે. સીધી કાર્યસમિતિની બેઠક કે અધિવેશન બોલાવી ફરીવાર અધ્યક્ષ બનાવવાને બદલે પાર્ટીના રણનીતિકાર તેમને ફરીવાર મેદાનમાં ઉતારવાનો નિર્ણય કરવા ઈચ્છે છે. એક વર્ગ પ્રિયંકા ગાંધીને કમાન સોંપવા માગે છે પણ હાલ સોનિયા ગાંધીની પહેલી પસંદ રાહુલ છે.

Download Dainik Bhaskar App to read Latest Hindi News Today

રાહુલ ગાંધીની ફાઇલ તસવીર.

from Divya Bhaskar https://ift.tt/36sWgxn