55 વર્ષ પૂર્વે વિયેતનામ યુદ્ધમાં અમેરિકાના 58 હજાર સૈનિકો મૃત્યુ પામ્યા હતા. આ આંકડાનો ઉલ્લેખ એટલા માટે કેમ કે કોરોનાના કારણે મંગળવોર અમેરિકામાં મૃત્યુ પામનારા લોકોની સંખ્યા પણ 58 હજારને વટાવી ચૂકી છે. આખી દુનિયામાં અમેરિકા જ એકમાત્ર એવો દેશ છે જ્યાં કોરોના ઈટાલી અને ચીનથી પણ વધુ ભયાવહ સ્તરે ફેલાયો છે. અત્યાર સુધી કોરોના પોઝિટિવ દર્દીઓની સંખ્યા 10 લાખને વટાવી ગઈ છે. ગત 24 કલાકમાં જ અમેરિકામાં 1500 લોકો મૃત્યુ પામ્યા. ગત અનેક દિવસોથી અહીં દરરોજ 1000થી વધુ લોકો મૃત્યુ પામી રહ્યાં છે.
ન્યૂયોર્ક અને ન્યુજર્સીમાં જ 4 લાખથી વધુ કેસ
અમેરિકામાં સૌથી વધુ દયનીય હાલ ન્યૂયોર્ક અને ન્યુજર્સીની છે. ન્યૂયોર્કમાં અત્યાર સુધી 3 લાખ કેસ મળી ચૂક્યા છે. જ્યારે 22 હજારથી વધુ લોકો મૃત્યુ પામ્યા છે. જ્યારે ન્યુજર્સીમાં સવા લાખ પોઝિટિવ કેસ આવ્યા છે અને મૃત્યુનો આંકો અહીં 6 હજારને વટાવી ચૂક્યો છે. સમગ્ર અમેરિકામાં જેટલા મૃત્યુ થયા છે તેના 45 ટકા ફક્ત ન્યૂયોર્કમાં થયા છે. કેલિફોર્નિયા, મેસાચ્યુસેટ્સ, પેનસિલ્વેનિયા સતત હોટસ્પોટ બનેલા છે.
ટોચના 7 દેશોમાં 66% કેસ અને 76 % મૃત્યુ
દેશ | કેસ | મૃત્યુ |
અમેરિકા | 1010507 | 57000 |
સ્પેન | 232128 | 23822 |
ઈટાલી | 199414 | 26977 |
ફ્રાન્સ | 165842 | 23293 |
જર્મની | 158768 | 6136 |
યુકે | 157149 | 21092 |
તૂર્કી | 112261 | 2900 |
કુલ | 20,36,069 | 1,61,220 |
Download Dainik Bhaskar App to read Latest Hindi News Today
from Divya Bhaskar https://ift.tt/2Sh1pEp
Comments
Post a Comment